токкоолос диэнтэн хай аата. Оҕоттон ханна үөрэнэрин токкоолоһуу буолла

сурас диэнтэн хай
аата. Дойду киин куораттарыгар Сибиряков аата сураһыыга сылдьар. В. Яковлев
Икки дьиэ кэргэнтэн биирбит эмэ тиэргэҥҥэ көстүбэтэҕинэ: «Хайа, били киһи тоҕо көстүбэт?» — диэн сураһыы, токкоолоһуу буолар. В. Титов

туохт. Тохтообокко элбэҕи лахсый, лабаҥхалаа. ☉ Много говорить, болтать без умолку, без конца, повторять одно и то же
Кыра оҕоҕо биэскэ биири эбэри өйдөтөр кэриэтэ м э э р илээн, быһаара сатаабытым. Софр. Данилов
Оҕонньор кыра оҕо курдук, онуманы ыйыталаһан-токкоолоһон, быһа мээрилээн таҕыста. Г. Нынныров
Бээбээ, мээрилээмэ. «ХС»

туохт., кэпс. Арахпакка сураҕалас, ымпыктаан-чымпыктаан, төрдүн-төбөтүн түөрсэн туоһулас, ыйыталас. ☉ Расспрашивать подробно, до мелочей кого-л. о чём-л. [Ньургуһун Ньукулай:] Доҕор! Эн ону тоҕо токкоолоон ыйыттыҥ? Күндэ. [Куралай Кустук] тыыннаах олорорун дуу, хам тоҥо сыстыбытын дуу ким токкоолоон билиэ баарай?! Д. Апросимов
Оҕонньоттор Өлөксөйү тулалаатылар, Омуннуран, мустан токкоолостулар. С. Васильев

туохт., кэпс., сөбүлээб. Наһаа иҥэн-тоҥон, хасыһан ыйыт, токкоолос. ☉ Дотошно, тщательно выяснять что-л., допытываться о ком-чём-л., подробно расспрашивать кого-л. о чём-л.
Туох наадаҕа итиччэ элбэх үпкэ наадыйбытын ыаһыйалыы барбата. И. Гоголев
[Вера — балтыгар:] Тугу ыаһыйалаан хааллаҕай, оттон ытыах санаам кэллэ да, ытаатаҕым дии. С. Ефремов
Чэ, быһата, былыргылыы, Чэй иһэн ньэмээрдэ, Ону-маны ыаһыйалыы Олорор аны мэлийдэ. С. Тимофеев

сыһ. Бытархайыгар тиийэ, сиһилии. ☉ Обстоятельно, в деталях, подробно
Хакасия биллиилээх суруйааччыта Михаил Кильчичаков: «Элгээйитээҕи мусуой саҥа дьиэтэ тутулунна дуо?» — диэн бэркэ ымпыктаан токкоолоспута. С. Руфов
Кини бу курдук дьоһуннанан олорон Ыстапаантан хантан, тоҕо кэлбитин уонна ханна баран иһэрин тустарынан бэркэ ымпыктаан, ыйыталаһан барбыта. И. Никифоров. Амма Аччыгыйа уусураннык ымпыктаан көрдөрүү маастара. Н. Тобуруокап

туохт.
1. Силиэстийэтэ ыыт, оҥор. ☉ Вести, проводить следствие
Бу Николайы эрийэ, силиэстийэлии сылдьаллар. Болот Боотур
Бу дьыаланы силиэстийэлээбитим балтараа ыйга чугаһаата. М. Попов
Манчаары хайдах сылдьарын, күнүн-хонугун аахтаран, силиэстийэлии сатаан кээспиттэр да, ол олорор-сылдьар дьоно, Манчаарыны уган биэрбэтэхтэр. МНН
2. көсп., кэпс. Ымпыктаан-чымпыктаан ыйыталас, токкоолос. ☉ Расспрашивать подробно, допытывать
[Ырыкыныап:] Бу туох ааттаах бүгү күн миигин силиэстийэлээн хаалбыт оҕо көһүннүҥ?! Суорун Омоллоон
«Силиэстийэлии турума. Ким да буоллун, ас», — Валерий уһуктан, оронуттан хаһыытаата. Софр. Данилов
«Туох буруйу оҥордугут?» — аны айан киһитэ силиэстийэлиир. Эрилик Эристиин

1. аат., сөбүлээб. Үрүтүрдүгэр ыйыталаһан тахсыы, буоларыбуолбаты саҥарыы. ☉ Навязчивое расспрашивание кого-л. о чём-л.
   Вера сэрэйбитэ уонна дьүөгэтин кинилэр ыаспайдарыттан быыһыырга санаммыта. Далан
   «Уу, хара сордоох, кэм кини ыаспайа, албына баппата», — Маарыйа кэргэнин Быралгыны мөҕүттэр. С. Маисов
   Хайдах уурайбат ыаспайый, Харахпыттан киэр халбарый, Ханна эрэ бар, дьаадьай! П. Ламутскай (тылб.)
2. даҕ. суолт. Ким-туох эмэ туһунан арахсыбакка токкоолоһор, ыйыталаһар, мээрилиир (ким эмэ). ☉ Навязчиво расспрашивающий о ком-чём-л.
   Дым-Дым кыра, мөлтөх дьахтар курдук ыаспай киһи этэ. Далан
   Чоомуут ол ыаспай киһиттэн өлөрдүү сылайан, үлтү кыйаханан тахсан барбыта. Күрүлгэн