нареч. больно, болезненно; ыарыылаахтык охсулун= а) больно удариться; б) пострадать от чьего-л. удара.

1) имеющий какое-л. заболевание, больной чём-л.; ангина ыарыылаах оҕо ребёнок, больной ангиной; 2) вызывающий боль, болезненный; ыарыылаах укол болезненный укол.

сыһ.
1. Ыалдьар, ыарытыннарар гына. ☉ Причиняя боль, больно, болезненно
Үөрүүтүттэн ыарыылаахтык тутан хас да кутуйаҕы «чууп» дэттэ. Т. Сметанин
Биир бөскөччү сүкпүт үрүсээктээх эдэр киһи Мииккэлээх Вованы истиэнэҕэ сааллан ыарыылаахтык охтуохтарыгар диэри күүскэ садьыйан кэбистэ. П. Аввакумов
Тарантул ыарыылаахтык ытырар гынан баран, киһини өлөрбөт. ББЕ З
2. көсп. Киһини хаарыйар курдук, хомотордуу, ыарытыннарардыы. ☉ Обидно, болезненно, неприятно
Ити тыллар Дьэбдьиэҕэ ыарыылаахтык иһилиннилэр. В. Протодьяконов
Эмиэ дууһатын тааһырпыт көһөҥө санаалар ыарыылаахтык ааллылар. Н. Лугинов
Стёпаҕа ити тыллар олус ыарыылаахтык иһилиннилэр, ону тулуйбакка, кини дьон кэннигэр кирийдэ. М. Доҕордуурап

1. даҕ.
2. Ханнык эмэ ыарыыга ылларбыт, ыарытыйар, ыалдьар. ☉ Имеющий какое-л. заболевание, болеющий чем-л., поражённый какой-л. болезнью
   Аны биэс уон сылынан …… харах ыарыылаах киһини киһи булуо суоҕа. П. Ойуунускай
   Баҕыыр суруксут туран ыарыылаах атахтарынан хааман бадьаалаата. Эрилик Эристиин
3. Ыарыыны биллэрэр, ыарытыннарар. ☉ Вызывающий боль, болезненный. Ыарыылаах укуол
4. көсп. Киһиэхэ дьайыыта улахан, киһини мунчаардар, уйадытар, хаарыйар. ☉ Болезненно воспринимаемый, обидный для кого-л. (напр., о словах)
   Көннөрүгэ күүтэр, ахтар, Көмүһүөм, бэрт ыарыылаах. П. Тобуруокап
   Сороҕор итинник алҕас тыллар тустаах киһиэхэ ыарыылаах буолуон сөп. Н. Лугинов
   Мин тус олоҕум итинник аһаҕастык эһиги иннигитигэр арыллыбыта миэхэ ыарыылаах, табыгаһа суох. ДС ААА
5. аат суолт. Ыарыыга ылларбыт, ыалдьар киһи. ☉ Тот, кто болеет, нездоровый, больной
   Ис ыарыылаахтар барыта кинилэр буолан истилэр. Амма Аччыгыйа
   Араҥ ыарыылааҕы төһө эмэ уһуннук көрөн-истэн, кыстык угун саҕа балаҕаҥҥа бииргэ олорбут дьон кимнээҕэр өлүөр, чэгиэн сылдьаллара эбитэ үһү. С. Маисов. [Нуучча быраастара] оччотооҕуга тыҥа ыарыылаахтары икки-үс ый устата кымыһынан эмтээһин улахан туһаны биэрэрин кэтээн көрөр кыахтаммыттара. ЩМС ККЭБС