II с. 1. (просвещение) үөрэх, үөрэхтээһин, үөрэҕирии; народное образование норуот үөрэхтээһинэ; 2. (совокупность знаний) үөрэх; высшее образование үрдүкү үөрэх.

I. (умение читать и писать) ааҕар-суруйар буолуу, үөрэҕирии; всеобщая грамотность бүттүүн ааҕар-суруйар буолуу; 2. перен. (наличие знаний в какой-л. области) грамотность, билии, уөрэҕирии; техническая грамотность техническэй грамотность; 3. (отсутствие ошибок) грамотность, алҕаһа суох суруйуу, алҕаһа суох саҥарыы.

аат. Ырыа мелодиятын айар киһи. ☉ Мелодист
Дьокутааттар ортолоругар норуот үөрэҕириитигэр үгүс сыл үлэлээбит, дьоҕурдаах тэрийээччи, олохтоох мэлэдьиис Иван Петрович Горохов баар. ПДН ККС
Мэлэдьиис, ырыаһыт Владимир Татаринов саҥа айымньыларын толоруутун көрөөччүлэр көхтөөх ытыс тыаһынан бэлиэтээтилэр. «Кыым»

даҕ. Олус сүҥкэн. ☉ Громадный, колоссальный
«Салаҥ киһиттэн хара тыа маһа эрэ ытаабат», – тыл кытта ытамньыйар. Улууканнаах тыл кытта уйадыйар, сүҥкэннээхэй тыл кытта сыналыйар. С. Федотов
Саха норуота сүүһүнэн сыллар усталарыгар оҥорон-чочуйан аҕалбыт сүҥкэннээхэй айымньытыгар Ойуунускай дьиктилээх талаана кыттыспыта. «ХС». «Кыым» хаһыат норуот үөрэҕириитигэр, ыччаты иитиигэ сүҥкэннээхэй оруолун, үтүө үгэстэри сырдаппытын үрдүктүк сыаналыыбыт. «Кыым»

аат.
1. Билиини, сатабылы ылыы, үөрэнии. ☉ Учение, обучение, учёба
Үөрэхтэригэр бэйэ-бэйэлэригэр хардарыта көмөлөсүһэллэр. Суорун Омоллоон
Сахалар үөрэххэ олус сыстаҕастар, билиэхтэрин-көрүөхтэрин баҕалара улахан. И. Федосеев
Ийэ үөрэҕэ ардыгар олус соһумарынан дьулатара, оттон сороҕор олус сымнаан абырыыра. Н. Заболоцкай
2. Ханна эмэ (хол., оскуолаҕа) үөрэнии кэмэ. ☉ Время учения где-л., учёба (напр., в школе)
Ээ, кэллэхтэрэ дии, сарсын үөрэх саҕаланар күнэ. Н. Лугинов
Өлөксөй сайын үөрэх кэнниттэн сынньалаҥар төрөөбүт дойдутугар таҕыста. В. Протодьяконов
Мичил куоракка быйыл үөрэх аһыллыыта саҥа киирбитэ. Г. Колесов
3. Билии-көрүү тарҕаныыта, үөрэҕирии. ☉ Образование, просвещение, учение
Үөрэх баар — бараммат баай (өс хоһ.). Аныгы оҕолор оттон үөрэххитинэн эрэ буоллаххыт дии. Амма Аччыгыйа
Олох тубуста, култуура, үөрэх сайынна. С. Никифоров
△ Айылҕа, уопсастыба, өй-санаа сайдыыларын сүрүн сокуоннарын билии бүтүннүүтэ уонна кини салаалара, билим. ☉ Наука
Үөрэх бөҕөнү үөдүппүт, Собуот обургуну субуруппут, Баабырыка баҕадьыны бачыгыраппыт. Өксөкүлээх Өлөксөй
Биһиги сүөһүлэрбит, ньирэйбит барыта үөрэх этиитинэн, ветеринар-зоотехник көрүүтүнэн иитиллэллэр. Амма Аччыгыйа
Үөрэх ити курдук аан дойдуга туох баарын бүтүннүү кэпсиир. Суорун Омоллоон
◊ Айылҕа үөрэҕэ көр айылҕа
Айылҕа бары көстүүлэрэ бэйэлэрэ туспа биричиинэлээхтэр. Айылҕа туһунан үөрэх сайдыбытын түмүгэр биһиги ол биричиинэлэри билэбит. Олортон үгүстэрин туһунан «Айылҕа үөрэҕэ» диэн кууруска кэпсэниллэр. КПФ БАаДИ. Саха норуотугар тустаах айылҕа үөрэҕэ диэн суоҕа. ПАН СМС. Анал орто үөрэх көр анал. Куорат анал орто үөрэҕин заведениетыгар үөрэнээччилэр эмиэ …… Коля, Ваня диэн ыҥырсаллар. ФЕВ УТУ
Байыаннай үөрэх көр байыаннай. Испирдиэн эһиил, баҕар, байыаннай үөрэххэ барыах буолар. И. Егоров
Кыргыс үөрэҕэ көр кыргыс II. [Аан Далбар:] Тукаам, бу тоҕо кубарыйан хааллыҥ? [Киис Бэргэн:] Кыргыс үөрэҕэ илистиилээх, ийээ. И. Гоголев
Таҥара үөрэҕэ көр таҥара. Оҕолор таҥара үөрэҕин аанньа ахтыбат буолан иһэллэриттэн абаланан, төрүт да куһаҕан киҥнээх аҕабыыт олус дьулаан киһи буолан сылдьар. Амма Аччыгыйа
Үөрэх кинигэтэ көр кинигэ. Маны мин соҕуруу дойду уопутуттан уонна үөрэх кинигэтиттэн сиэттэрэн оҥордум. М. Доҕордуурап
Үөрэх кыһата көр кыһа I. Үөрэх кыһатыгар уһаарыллыбытым, Үлэ төлөнүгэр хатарыллыбытым. С. Васильев. Үөрэх оҕото — оскуола үөрэнээччитэ. ☉ Учащийся, ученик общеобразовательной школы
Үөрэх оҕото Пионер Вася Эрдэ туран, Оскуола диэки Аан бастаан Суолу аста. Т. Сметанин
Үчүгэйдик, ыраастык, маанытык олорор үөрэх оҕотун хоһо. С. Ефремов
Үөрэх дьыла көр дьыл. Ыччаттарын көрсөөрү Үөрэх дьылын бүтүүтэ Тиийэн кэллэ, доҕоттоор, Хабырылла Дьөгүөрэп. А. Бэрияк. Үрдүк үөрэх — уопсай орто үөрэх кэнниттэн норуот хаһаайыстыбатын бары салааларыгар анал идэлээх дьону бэлэмниир үрдүкү оскуола; үрдүк үөрэхтэнии. ☉ Высшее учебное заведение, вуз; высшее образование
Кинилэр оҕолоро Вася үрдүк үөрэҕи бүтэрэн, саҥардыы үлэлээбит дьылыгар сэрии буолта. Н. Заболоцкай
Тыа хаһаайыстыбатын үрдүкү үөрэҕин бүтэрээт, …… саха сиригэр кэлбитэ ыраатта. М. Доҕордуурап. 1990 сыллаахха 2,6 мөлүйүөн киһи үрдүк үөрэҕи бүтэрбит. ПАН СМС

үөрэҕир диэнтэн дьаһ
туһ. [Никиитэ:] Аан бастаан бүтүн саханы төрөөбүт тылынан үөрэҕирдэн, кыттыгас, холбоһук көдьүүһүн биллэрэн баран, баайы, дьадаҥыны тэҥниир сөп буолуо этэ. Күндэ

1. даҕ. Уһулуччу үчүгэй, бэртээхэй, ааттаах. ☉ Очень хороший, отличный, превосходный
   [Лаврентий — Васяҕа:] Эн үөрэҕиҥ, доруобуйаҥ, бары туругуҥ туйгун ини? Н. Габышев
   Биригээдэ өр-өтөр буолбакка туйгун үлэтинэн, дьиссипилиинэтинэн сураҕырбыта. И. Данилов
   Курашов этэрээтин ыстаабыгар саталлаах, туйгун эрэспиэсчик. М. Доҕордуурап
2. аат суолт.
3. Ким эмэ (үөрэнээччи, устудьуон) билиитин сыаналыыр «биэс» сыана. ☉ Оценка, отметка «отлично»
   Александр Борисович кини үлэтин [Семён Романович дипломнай үлэтин] туйгунунан сыаналаабыта. Н. Лугинов
   Учуутала үөрүүнэн «туйгуну, үчүгэйи» тардыммакка туруорар. Р. Баҕатаайыскай
4. Барытыгар «биэс» сыаналаах үөрэнээччи, устудьуон. ☉ Отличник (учёбы)
   Ыстаал кынаттар Ыраах дайаллар, Үөрэх туйгуна Кыһыл хаалтыстар. Эллэй
   Үлэ, үөрэх туйгунугар Ийэ дойду наадыйар. И. Гоголев
   Кыра уола пионер Оскуолаҕа үөрэнэр, Кылаас бастыҥ туйгуна Уруоктарын ааҕара. А. Абаҕыыныскай
5. Ким, туох эмэ саамай чулуута, уһулуччута. ☉ Кто-что-л. наилучший в чём-л. [Кырасыабай кыыс] Тупсуон уоругар Доруобуйалаах туйгуна, Бэркиһэтиэн иннигэр Эттээх-хааннаах чэгиэнэ. Өксөкүлээх Өлөксөй
   Суорба таас иэнэ суоруллан Сассыа туйгуна килэйбит. Эллэй
   Олохтон уһулуччуну Эдэр уолан мэлдьи күүтэр, Кини күүтэр туйгуну, Күүппэт эбээт ортону. И. Гоголев
   △ Тугу эмэ олус үчүгэйдик оҥорор киһи, туохха эмэ саамай чулуу. ☉ Человек, отлично справляющийся с чем-л., отличник, ударник. Уруккута отчут, Уоһук масчыт Сахалыы сурукка Сайаҕастык үөрэнэн, …… суруксут-суоччут Туйгуна буолбут. А. Софронов
   Чараҥ чалбаҕын чалбааччы Орой-мэникэй уолчаантан Дьоллоох күннэри туойааччы Поэт туйгуна чугдаарда. Эллэй
   Эйиэхэ төлөннөөх эҕэрдэ, Икки атахтаах албаннаах туйгунугар! С. Васильев
6. Ким эмэ ханнык эмэ салааҕа ситиһиилэрин, үтүөтүн-өҥөтүн бэлиэтииргэ иҥэриллэр аат. ☉ Звание, присваиваемое в знак признания чьих-л. больших успехов и заслуг в какой-л. области, отличник (напр., образования). Ньургун Боотур курдук күүстээх Дьоруой, туйгун дуу аатын ылан, …… Аатыран, күннээн эргиллиэҕим. Дьуон Дьаҥылы
   Надежда Васильевна Филатова …… сүүрбэччэ сыл учууталлаабыта, «Норуот үөрэҕириитин туйгуна» буолбута. А. Сыромятникова
   Эргиэн туйгунун Серафим Тимофеевич Дайбыровы араастаан була сатаан бэрэбиэркэлээһини ууратыахха. М. Попов
   ♦ Тойуктаах туйгуна, ырыалаах ырааһа — олус үчүгэй тойуксут, ырыаһыт. ☉ Мастерски исполняющий тойук и песни (букв. лучший из исполняющих тойук, отменный из певцов). Онтукайын тойуктаах туйгуна, ырыалаах ырааһа киһи буолбут
   ◊ Туйгунтан туйгун — саамай үчүгэй, уһулуччуттан уһулуччу. ☉ Лучший из лучших, наилучший
   Үөрэххэ, үлэҕэ өрүтэ үүнүүгэ Туйгунтан туйгун диэн Сыананы ситэргэ, …… Араас суол идэни Баһылаан билэргэ — Бэлэм буол, Бэлэм буол! Т. Сметанин
   ср. др.-тюрк. тойҕун ‘достоинство’, кирг. туйгун ‘ястреб-тетеревятник; эпитет богатыря-молодца’, уйг. туйҕун ‘бдительный, чуткий; прозорливый, проницательный, догадливый’

1. даҕ.
2. Ырылхай, синньигэс (хол., күн уота, сүүрээн, суол). ☉ Чёткий, светлый, ясный, тонкий (напр., солнечный луч, струя воды, дорога)
   Саҥа олох күүрээнигэр Долгуу үлэнэн үлүһүйэр, Тырыбынайга да үөрэҕирэр Тыргыл суолу ыйан биэрэр. Р. Баҕатаайыскай
   Сааскы күнтэн уһуктубут Ып-ыраас, тыргыл сүүрээн Барар суола бохсуллубут, — Улуу суорба очуос бүөлээн. Д. Апросимов
   Бүгүн Хотугу уһук дойдуга Сандал саас иһэр бэлиэтэ — Күн бастакы тыргыл саһарҕата Саҕах үрдүнэн көһүннэ. А. Бэрияк
3. көр дыргыл
4. Тыргыл күөх солкоҕо сууламмыт Тыалар, алаастар, үрэхтэр, Тыыннаах кырынаас хараҕыныы, Тырымнаһа түспүттэр. Күннүк Уурастыырап
   Салгын сөрүүн, мүөт тыргыл сытынан Үчүгэй эбээт дуоһуйа тыынар. И. Федосеев
   Мин таптыыбын кэҕэ Чуҥкуйбатах тыатын, Мутукчабыт күөҕэ Тыргыл мүөттээх сытын. И. Артамонов
5. аат суолт. Туох эмэ (хол., күн уотун) утаҕа; туох эмэ (хол., уу) сүүрээнэ. ☉ Луч (света); струя (воды)
   Мандар Уус ойууларыгар киирэр-тахсар саһарҕалар тыргыллара тыгар, кустук суһумнара кууспаҕалаан ылар. НБФ-МУу СОБ
   [Ардах] маҥнай убаҕастык табыгыраппыта, онтон чочум буолаат, бөдөҥ таммахтарынан быыһа суох, сип-синньигэс тыргыл буолан таҥнары саккыраан курулатан барбыта. М. Горькай (тылб.)