сыһ. Элбэхтик, дэлэччи, өлгөмнүк. ☉ Щедро, достаточно много, обильно
Муҥхаҕа, илимҥэ – Балыктыыр тэрилгэ Байымнык киирээччик, Байымнык иҥнээччик [быччыкы балык]. С. Данилов
Хойуу нуолур оппут үүммүт байымнык, Хотуур хоппот, муспат аттаах тараанньык. А. Абаҕыыныскай
Индигир өрүһүм Чыыр бэрдэ балыгын Илимнээн хоторбут, Байымнык орҕорбут Холкуоһум киһитэ. «ХС»
Якутский → Якутский
байымнык
байым
даҕ.
1. Дэлэй, дэлэгэй, өлгөм. ☉ Обильный, богатый чем-л., щедрый
Сайынын аатырар балыктаах Хоохучча диэн кумахха байым балыгы баһар биригээдэ үлэлиир. А. Сыромятникова
Кулуһуннаах алаас иһэ им-дьим. Байым сибэккилээх дьэрэкээн ньуура сымнаҕастык, элэккэйдик мичээрдиир. Л. Попов
Айанньыт барыта байым үптээх буолбатаҕа чахчы. Н. Абыйчанин
Остуол араас байым астаах: сибиинньэ, ынах этэ, кэтилиэт, кээчэрэ. Р. Баҕатаайыскай. Тэҥн. байдам балым
2. көсп., поэт. Үтүө туруктаах, дьоллоох. ☉ Благополучный, счастливый
[Сахам сирэ] Уолум туһугар, Уолум байым дьылҕатыгар Аламай маҥан күннээх алгыскын анаа, Арылы сырдыккынан таһымнаа! Н. Босиков
Дьолбут сордуун тустар, Дьоһун соргу тупсар, Баттал баһа быстар, Байым саргы сыстар, Өркөн долгун түстэ, Өлгөм баала сүүрдэ. Күннүк Уурастыырап
◊ Байым туттуу фольк. – өлгөм, дэлэгэй (халбаҥнаабат эпиитэт суолт.). ☉ Обильный, щедрый (в значении постоянного эпитета)
Күн манаарын күндээрпит, Байым туттуу, Барҕа-Кэскил Баача Баатырга Махталыҥ ханнаный, Маҕай аллаах?! С. Зверев
үлүм-байым
сыһ. Өлгөмнүк, элбэх соҕустук (хол., үллэһин). ☉ Щедро, не скупясь (напр., делиться чем-л. с кем-л.)
Оҕо курдук оҕонньор эппэт элбэх дьиктилээх: Хомолтотун кэччэйэр, Киһи киһи аайы бэрсибэт. Үөрүүтүттэн дьэ хата Үлүм-байым үллэстэр. М. Тимофеев
Еще переводы: