Якутские буквы:

Якутский → Якутский

лиҥкинээ

I
тыаһы үт. туохт.
1. Туохха эмэ охсуллан, биир күрүстүк ньиргиэрдээхтик доргуйан тыаһаа (туох эмэ улахан предмети этэргэ); тыастаахт ы к к у у г у н а а ( хол., о һ о ҕ у э т э р г э ). ☉ Ударяясь обо что-л. твёрдое, производить гулкие, громкие, раскатистые звуки (о т яжёлых больших предметах); гудеть (напр., о печной трубе)
Ампаар дьиэ ортотугар турар буор оһох тыаһаанууһаан умайан лиҥкинээн барда. Эрилик Эристиин
[Эһэ] дьаргыл таас олбоҕор лиҥкинии устар Индигир эбэ тымныы сүүрүгүн одуулаан турбахтыыра. Н. З аболоцкай. Атаҕым анныгар сир титирэс тээбитэ, эриэлсэлэр лиҥкинээбиттэрэ. Ч. Айтматов (тылб.)
2. Сөҥнүк, ньиргиэрдээхтик саҥар. ☉ Го ворить гулким, трубным голосом. Тохороон саҥата дьон айдаанын ортотугар туспа лиҥкинээн и һ и л и н н э. А мма Аччыгыйа
△ Ньиргиэрдэнэн иһилин. ☉ Звучать гулко, громко, раскатисто
Титиик диэки Сынтараалка [оҕус] мөҥүрүүр саҥата сир түгэҕэр лиҥкинээтэ. В. Титов
II
туохт. Суон уонна өрө кулуһуйбут үрдүк буол (сүнньүнэн үүнэн турар маһы этиллэр). ☉ Быть очень высоким и крепким снизу доверху (в основном о деревьях)
Дьэ, лиҥкинээн мастар да мастар буолан бардылар. Суорун Омоллоон
Оччолорго өрүс сүнньүн бата тэҥкэ тииттэрдээх түбэ лиҥ кинээн турара. М. Ефимов

киҥкинээ-лиҥкинээ

тыаһы үт. туохт. Араастаан бүтэйдик ньиргийэн тыаһаа. ☉ Издавать гулкие раскатистые звуки
Тыал киҥкинии-лиҥкинии турда. Н. Босиков
Муора киҥкинии-лиҥкинии сыппыта. М. Горькай (тылб.)

лиҥкинээ-лаҥкынаа

тыаһы үт. туохт. Араастаан ньиргиэрдээхтик сатархайдык дуораһыйан иһилин (хол., улахан куолакал тыаһын этэргэ). ☉ Издавать громкие, гулкие, переливающиеся звуки, гудеть (напр., о колоколах). Таҥара дьиэтэ буоллаҕына быыстала суох собуонун тыаһа эҥин араастаан лиҥ кинии-лаҥкыныы турар. Эрилик Эрис тиин
△ Ой дуораанын курдук сатарыйан иһилин. ☉ Издавать громкий ре зонирующий звук, греметь, громыхать
Кини соһуйан уһуктубут омунугар синньигэс лааппыны түөрэ көтөн кэбиспитэ, иччитэх өтөх кытта атын үлүгэрдик лиҥкинээн-лаҥкынаан уһугунна. Н. Заболоцкай

Якутский → Русский

лиҥкинээ=

звукоподр. глухо шуметь, гудеть; глухо звенеть; күүстээх тыалтан тыа лиҥкиниир , куугунуур под сильным ветром глухо шумит, гудит лес.

Еще переводы:

гудение

гудение (Русский → Якутский)

с. куугунааһын, лиҥкинээһин.

лиҥкир-лаҥкыр

лиҥкир-лаҥкыр (Якутский → Якутский)

сыһ., кэпс. Лиҥкинээн-лаҥкынаан, онно-манна тыастаахтык охсулла-охсулла. ☉ Издавая гром кие гулкие звуки, с шумом, грохотом
Лиҥкир-лаҥкыр тыаһаа.  Дьиэм иһэ соҕотохто лиҥкир-лаҥкыр, түптэ-түрүлүөн буолар. П. Тобуруокап

бүүс-

бүүс- (Якутский → Якутский)

Даҕааһын күүһүрдэр эбиискэтэ, бүт- диэн саҕаланар олохторго сыстар: бүүс-бүтүн, бүүс-бүтүннүү. ☉ Усилительная частица прилагательных, присоединяемая к основам на бүт-
Куу-ла сирдэргэ, сыыр хаастарыгар, бүтэй ойоҕосторугар тибии өрөһөлөөн кэбиспит хаардара бүүс-бүтүн лиҥкинээн сыталлар. Н. Заболоцкай
Килиэппин землянка иһигэр олорон сиэтим. Бу дьолу! Аны туран биир бүүс-бүтүн кааска сытар. Т. Сметанин
Биирдэ эмэтэ күлэн мичилийдэҕинэ, бүүс-бүтүннүү сырдыы түһэргэ дылы. Болот Боотур

дьалыҥыр

дьалыҥыр (Якутский → Якутский)

туохт. Киһи өйүнсанаатын абылыыр, өрүкүтэр күүстэн, имэҥир. ☉ Иметь завлекающую, возбуждающую силу, порыв, страсть
Ыараан турар чуумпуну соһутан, дүҥүр обургу тибигирээн, лиҥкинээн, иҥиэттэн барда эбээт!.. Кыһалҕа [ойуун] хаһан да маннык дьалыҥырбытын өйдөөбөт! И. Гоголев
Омуннура дьалыҥыран, Уйан сүрэххэр Уһуктубута уран санаа хомуһа. В. Миронов
Хаһан эрэ тыйаатырга көрбүт ойуунум быыстала суох кыыран ыһыллара. Дүҥүрэ дьалыҥыран дарбыйара. Нэртэ

өрөгөйдөөһүн

өрөгөйдөөһүн (Якутский → Якутский)

аат. Улахан табыллыыттан, кыайыыттан өрө көтөҕүллүү, күүрүү. ☉ Огромное торжество, триумф, блестящий успех
Оскуола эркинин таһааран, сүгэ хабырҕас тыаһа, эркин кураанах бэрэбинэтин лиҥкиниирэ, саҥаиҥэ барыта холбоһон, кыайыы өрөгөйдөөһүн муусуката буолан иһиллэр. М. Доҕордуурап
Саха тылынан хаһыат тахсыыта — бу национальнай бэлиитикэ өрөгөйдөөһүнүн биир туоһута. «Кыым»

өрөһөлөө

өрөһөлөө (Якутский → Якутский)

туохт. Туох эмэ элбэҕи үрүт-үрдүлэригэр уур, бэрээдэгэ суох чөмөхтөө. ☉ Складывать что-л. в высокую конусообразную кучу, груду, беспорядочно класть предметы друг на друга
Быһыллыбыт килиэп элбэҕин үрдүнэн, килиэби өссө быһан өрөһөлөөбүтүм. Н. Габышев
Төгүрүк остуолу тардан, итии, сөрүүн аһы толору өрөһөлөөтүлэр. Г. Колесов
Куула сирдэргэ, сыыр хаастарыгар, бүтэй ойоҕосторугар тибии өрөһөлөөн кэбиспит хаардара бүүс-бүтүн лиҥкинээн сыталлар. Н. Заболоцкай

собуон

собуон (Якутский → Якутский)

аат., эргэр. Таҥара дьиэтин куолакалын тыаһа. ☉ Звон (колокола)
Сотору собуон буолан хас да колокуонньа тыаһа биирдэ өрө лыҥкынаан-лиҥкинээн, доргуһуйан-дуораһыйан барда. Күннүк Уурастыырап
Тугу эрэ аһыйан эмиэ кэбин туонна собуон. И. Гоголев
Дьокуускай сэттэ таҥаратын дьиэлэрин куолакаллара сарсыардааҥҥы собуоннарын тыаһа Уол уонна Аҕа таҥаралар ааттарын алҕаан лыҥкынастылар. П. Филиппов

умуллуу

умуллуу (Якутский → Якутский)

умулун диэнтэн хай
аата. Суостаах да дьылҕа — умнуллуу, Мутугунан быраҕар үйэҕэ Муҥкуран олорон, умуллуу. С. Тарасов
Сарсыарда саҕалаан баран, киэһэ кыыһар төлөн умуллуута бэрэбинэ лиҥкиниирэ, сүгэ тыаһа тохтоон, тумул үрдэ, уоскуйбут курдук, чуумпура түһэрэ. М. Доҕордуурап
Толору дуоһуйуу диэн кинилэргэ [талааннаахтарга] инники угуйар уот умуллуута, өрөгөйдөөх өй-санаа өһүүтэ, айымньылаах аартык сабыллыыта. ФЕВ УТУ

лиҥкинэс

лиҥкинэс (Якутский → Якутский)

I
лиҥкинээ диэнтэн холб. туһ. Киһи сөҕүөх, үрэх уҥа өттүгэр баай тииттэр лиҥкинэһэллэр, өр гөстөөх харыйалар кэккэлэһэллэр. Л. Попов
Бэрэбинэлэр үөрэ-көтө аллара диэки сырсан лиҥкинэһэллэр. М. Доҕордуурап
II
даҕ. Лиҥкинээн иһиллэр, ньиргиэрдээх. ☉ Гулкий, громкий, раскатистый (напр., о голосе)
Лиҥкинэс тыас. Лиҥкинэс саҥа.  Баар эбит манна, — Бу дохсун муусукаҕа Киэҥ тайҕа кэтит көхсүн Киҥкиниир лиҥкинэс ньиргиэрэ. С. Зверев
Кини лиҥкинэс куолаһынан амарахтык саҥарара. М. Горькай (тылб.). Тэҥн. лиҥкир I
III
даҕ., кэпс. Ул ахан, бөдөҥ, баараҕай (сүнньүнэн үүнэн турар маһы этэллэр). ☉ Сплошь крупные, высокие, как на подбор (в основном о деревьях)
Ый лиҥкинэс тииттэри быыһынан, миэхэ эрэллээх доҕор буолан, ойо ҕолуу сырсара. В. Титов
Оонньуур сирдэрэ — лиҥкинэс мастардаах ойуур иһинээҕи отон уга. Күндэ
Кини хараҕар дьылыгырайбыт көнө мастардаах лиҥкинэс тыа, мэктиэтигэр, субу көстөргө дылы гыммыта. И. Федосеев. Тэҥн. лиҥкир II, лиһигирэс III

хааннааҕынан

хааннааҕынан (Якутский → Якутский)

хааннааҕынан көр — өһөхтөөҕүнэн көрөн тур. ☉ Смотреть злобно налитыми кровью глазами
Дьэспэ [атыыр оҕус:] биһиги диэки өһүөннээхтик хааннааҕынан көрүтэлээн кэбиһэ-кэбиһэ, мөҥүрээн лиҥкиниир. Далан
Бадьыр курдук хара бараан сирэйдээх, хааннааҕынан көрбүт, нүксүгүр быһыылаах күтүр улахан киһи остуолга кумааҕы көрө олороро. Н. Түгүнүүрэп
Хаайыллан турар оҕус хааннааҕынан хаһылыччы көрөн, төбөтүн булкуйа-булкуйа, буугунаан кэбиһэ турара. Тускун
Сүүлэ киирбит атыыр таба, хааннааҕынан көрөн баран, кыыска уун-утары сүүрэр. ИИА КК