нареч. 1) сильно, мощно; 2) темпераментно, горячо; запальчиво; уохтаахтык саҥарар он говорит темпераментно.
Якутский → Русский
уохтаахтык
уохтаах
1) сильный, мощный; уохтаах сүүрүк мощное течение; 2) крепкий (напр. о бульоне); питательный; уохтаах ас питательная пища; 3) крепкий; уохтаах арыгы крепкое вино; 4) темпераментный, горячий; вспыльчивый; уохтаах киһи темпераментный человек; уохтаах майгылаах со вспыльчивым характером.
уохтаах-кылыннаах
гневный; яростный; уохтаах-кылыннаах атаака яростная атака.
уохтаахтык-кылыннаахтык
нареч. гневно; яростно; уохтаахтык-кылыннаахтык охсус = яростно драться.
Якутский → Якутский
уохтаахтык
сыһ.
1. Модун күүстээхтик, эрчимнээхтик, дохсуннук. ☉ Со всей силы, очень сильно, мощно
Эбэ кытыытыгар манчаарыны уобалыы сылдьар ата …… уохтаахтык иҥэрсийдэ. И. Гоголев
Уохтаахтык тоһуттан, эмискэ, Уот этиҥ күүрбүтэ. Күннүк Уурастыырап
Балаҕан үрдүттэн Баһырҕастаах хара ыт Уохтаахтык үрэн баргыйан, умса бөтөрүҥнээн түстэ. С. Васильев
Саха биэтин үөскэҕэ уохтаахтык улаатар кэмэ үксүгэр ахсынньы, тохсунньу ыйдарга түбэһэр. АНП ССХТ
2. Күүскэ, омуннаахтык, өрүкүйэн. ☉ Темпераментно, горячо, запальчиво
Мэхээлэ …… биирдэ эмэтэ кыыһырдаҕына, тугу этэрин, хайдах туттарын өйдөөбөт буолуталыар диэри уохтаахтык кыыһырар. Амма Аччыгыйа
Уохтаахтык, кырыктаахтык доппуруостуур тойон эбит этэ. Болот Боотур
Оҕолоро костёрга мусталлар, Уон араас сэһэни тардаллар, Уохтаахтык, ньиргиччи ыллыыллар. П. Тобуруокап
күүстээх-уохтаах
даҕ.
1. Ыараханы кыайар, олус кыайыгас. ☉ Физически сильный, с неослабевающей мощью, осиливающий всякую работу
Адамов олус кытыгырас, күүстээх-уохтаах уонна доруобай, тулуурдаах буолан, өлүүттэн өрүһүллүбүтэ. И. Бочкарев. Кэлиҥ даа, көччөх гынан көтүппүт Күүстээх-уохтаах уолаттарым, Күн сиригэр дьол иһин төрөппүт Күндү көмүс оҕолорум! И. Егоров
Кини бу күүстээхуохтаах эдэр киһиттэн улаханнык дьааххана саныыр быһыылааҕа. А. Сыромятникова
2. Элбэх баайдаах-дуоллаах, бэйэтигэр эрэмньилээх, элбэх сэрииһиттэрдээх, үчүгэй сэбилэниилээх (судаарыстыба, оннук судаарыстыбаҕа олорор норуот туһунан). ☉ Богатый, уверенный в себе, обладающий мощными вооруженными силами (об отдельном народе или государстве)
Бу Улуу өрүс эҥээригэр иитиллибит дьон олоҕо даҕаны, санаата даҕаны чыҥха атын, күүстээх-уохтаах буолаллар эбит. П. Ойуунускай
Күөх дириҥ далайга, Күүгүн-хааҕын балкыырга Көмүллэн өлүөм кэриэтин Күүстээх-уохтаах саарыстыбам Күргүөм үгүс норуоттуун Күдэн буолан көттүн, Күл буолан сүттүн! Эллэй
уохтаах
даҕ.
1. Олус күүстээх, күүрээннээх. ☉ Очень сильный, мощный
Улуу бухатыырдар охсуһаллара уохтаах үһү (тааб.: кыстык, балта). Уохтаах сэрии обургуттан Уйадыйбат уохтанаар, Күүстээх сэрии күтүртэн Көҕүрээбэт күүстэнээр. С. Зверев
Уохтаах тымныы тостон, Уоттаах күммүт ойдо. Күннүк Уурастыырап
2. Уордаах, кырыктаах. ☉ Очень вспыльчивый, горячий, темпераментный
Уохтаах ыт …… баргыйда. Амма Аччыгыйа
Биһиэхэ, сахаларга даҕаны, уохтаах тыллаахтар, чаҕыл этиилээхтэр бааллар. Н. Габышев
Эдэр-сэнэх эрдэҕинэ уохтаах, күөнүгэр киирэн биэрбит киһиэхэ улахан саллыылаах салайааччынан биллэрэ. «ХС»
3. Хатан (хол., утах, табах); үчүгэйдик тоторор, иҥэмтэлээх, тотоойу (ас). ☉ Насыщенный, крепкий (напр., о напитке, табаке); насыщающий, питательный
Кини туох да олус үчүгэй, уохтаах быраасканы көөнньөрөн бэлэмнээбит этэ. Н. Якутскай
Эһэ этин курдук уохтаах, минньигэс, мааны ас чугаһынан баара буолуо дии санаабаппын. И. Гоголев
Сылгы — бу эмис эт, илиинэн кээмэйдэнэр хаһа, уохтаах кымыс. Багдарыын Сүлбэ
Табах уохтаах буолуута киниэхэ төһө никотин баарыттан тутулуктаах. АВГ ТТБТ
4. Өлгөм үүнүүнү биэрэр, өҥ. ☉ Способный давать богатую растительность, обильный на урожай, плодородный
Уохтаах буору сиэмэ сөбүлүүр, үтүө санаалаах киһини дьон сөбүлүүр (өс хоһ.). Кыыс Амма кытыллара нүөл кырсынан, уохтаах буорунан сураҕыраллар. Софр. Данилов
Тэллэй күн көрөн сылытар уохтаах, үчүгэй буордаах сири талан үүнэр. УГС ССКОТ
Еще переводы: