даҕ.
1. Бүтүн, толору. ☉ Целый, весь
Тыа хаһаайыстыбатын биһигинэ да суох салайар дьон үгүстэр, сүүһүнэн киһилээх сыалай институт үлэлиир. Далан
Үнүрүүн киниэхэ манна биир киһи сыалай нэдиэлэ олорон барбыта. С. Ефремов
Биһиэхэ иннибитигэр өссө сыалай түүн баар. М. Горькай (тылб.)
2. Олус улахан (элбэх), туох да көҕүрэтиитэ суох. ☉ Законченный, цельный (напр., о собрании чего-л.)
Хайа, доҕоор, бэйэтэ сыалай эллиэксийэ дии. Суорун Омоллоон
Эһиги эдэрдэр дьикти кэмҥэ олороҕут. Хас биирдии олорон ааһар күҥҥүт — сыалай остуоруйа. С. Тарасов
Сыалай саһааннаах киһи буолбуккун. Сонообуккун. Г. Нынныров
Якутский → Якутский
сыалай
сыал
аат.
1. Ытан эбэтэр быраҕан табыллыахтаах туох эмэ. ☉ Предмет, в который необходимо попасть при стрельбе или метании, мишень
Ол курдук төҥүргэскэ сыал буолар ньуурдаах иҥэһэни ытан ньуурун табан төҥүргэһи хайа көтөн ох ааһа турар. Саха фольк. Паарка остуораһа, кырдьаҕас оҕонньор, кыраасканан төгүрүччү сотуллан, сыал ытарга ананан оҥоһуллубут хаптаһыны кыбыммытынан, ытыыр уол аттыгар турар. Амма Аччыгыйа
Итиччэ үчүгэйдик сыалбын таба ыппытым кэннэ, бэл, мичик гыммат, ити аата кыыһырбыта кэм да ааһа илик буоллаҕа. Т. Сметанин
2. Сааҕа, бэстилиэккэ, о. д. а. баар тугу эмэ кыҥаан ытарга аналлаах оҥоһук. ☉ Прицел, прицельная рамка
Саас эрдэ буолан, түүн ортотун чугаһыгар, халлаан саа сыала көстүбэт буола хараҥарар. Н. Якутскай
Туоһапкам сайын устата тыытыллыбакка таах туран сыала хайдах хамсаабыт баҕайытай? В. Миронов
Лейтенант бинтиэпкэтин ылан, хайа, баҕар, алҕас турбута буолаарай диэбиттии, сыалын көрдө, хаастарын түрдэс гыннарда. Т. Сметанин
3. көсп. Толоруллуохтаах, ситиһиллиэхтээх сорук. ☉ То, к чему стремятся, что желательно осуществить, цель
Биһиги күүспүт — биир сомоҕобутугар! Биһиги түмсүүлээх, тэриллиилээх буоллахпытына эрэ сыалбытын ситиһиэхпит. Н. Якутскай
Сырыы бөҕөнү сырыттым. Сыалбын барытын ситтим. Н. Лугинов
Кэргэнниилэр олохторугар биир уопсай сыал, интэриэс баара сүрүн оруоллаах. ТЕН ИДь
Якутский → Русский
сыал
в разн. знач. цель; сыалла ыт = стрелять в цель; сыалга ыл = взять на прицел; сыалгын ситис = добиться цели.
Еще переводы: