Якутские буквы:

Якутский → Якутский

атааннааччы

аат. Атаанныыр киһи (дьон). ☉ Тот, кто притесняет, затирает кого-л.
Биир ыал, биир дьон курдук сананан, бэйэ-бэйэбитин өйөһөн олордохпутуна-сырыттахпытына, атааннааччыларга да атаҕастатыахпыт суоҕа. Болот Боотур

атааннаа

туохт. Бэйэ киэнин харыстаан, миэнэ, эйиэнэ диэн араарыс, көҥөө, батарыма. ☉ Ревниво оберегая свое (частное), не допускать, не терпеть других
Мархаттан арахсар айдаан саҕана алыс биир санаалаах курдук көстүбүт, «аҕа баһылыктар» туспа ыал буолан, нэһилиэктэринэн уонна нэһилиэк иһинэн аҕа уустарынан араарсан, атааннаспытынан бар дьону аймаабытынан барбыттар. Амма Аччыгыйа
Бары дойду фашистара, Кыраны-хараны кыаҕын ылан Кыргарынан кыдьыгыран, Атын омугу атааннаан туран, Аймыырынан дьарыгыран, Уолусхан сэриинэн уоран түспүттэрэ. С. Зверев
Атаанныыр, амныалыыр, Аанньа аһаппат. Дьиэтиттэн киэр кыйдыыр, Аһыммат аҕата. Баал Хабырыыс

Еще переводы:

омуктаһыы

омуктаһыы (Якутский → Якутский)

омуктас диэнтэн хай
аата. Нуучча, саха, эбээн — бары Олоорторо булкуһан, «Эн», «Мин», — дэһии, омуктаһыы, Атааннаһыы диэн суоҕа. С. Данилов

сомоҕолос

сомоҕолос (Якутский → Якутский)

сомоҕолоо диэнтэн холб. туһ. Бар дьон кылаас өстөөхтөрүн утары сомоҕолоһоругар биир суол сүрүн мэһэйинэн аҕа уустарынан атааннаһыы дьаата буолар. Амма Аччыгыйа
Бииргэ түмсэн сомоҕолостохпутуна эрэ, баайдары куттуур күүс буолабыт. ГНА ТС

хабырыйсыы

хабырыйсыы (Якутский → Якутский)

хабырыйыс диэнтэн хай
аата. Ыларов биһикки ардыбытыгар ханнык даҕаны атааннаһыы, хабырыйсыы суоҕа. Р. Баҕатаайыскай
Львов куорат чугаһыгар хааннаах хабырыйсыылар буолаллар. Е. Неймохов
Суорума таастары кытта уһуннук хабырыйсыы дьону да сылатта, тыраахтар да эмсэҕэлээтэ. «ХС»

хайдыһыы

хайдыһыы (Якутский → Якутский)

хайдыс диэнтэн хай. аата. Суол хайдыһыыта
□ Бэлитиичэскэйдэр ортолоругар улахан хайдыһыы тахсар үһү. Амма Аччыгыйа
Кыыс тоҕо хойутаабытыгар кэлэн хайдыһыы буолла. Н. Заболоцкай
Хайдыһыы, атааннаһыы — ыҥырыа уйатын тоҕо тардарга холоонноох. П. Степанов

ыһыллыы

ыһыллыы (Якутский → Якутский)

ыһылын диэнтэн хай
аата. Судаарыстыба былааһын ньыгыл илиитэ кыратык мөлтөөтө да, дьэ ол — ыһыллыы. Н. Борисов
Үрүҥнэри буусканан ытыалыылларын кытта, Тулагы диэки куоппуттара, ыһыллыы буолбута. Идэлги
Бэйэтин ийэтинаҕатын араҥаччылыы, анараа өттүн атарахсыта туттаҕына атааннаһыы, ыһыллыы тахсыан сөп. ПНИ АДХ

адаарыһыы

адаарыһыы (Якутский → Якутский)

аат. Тыл-тылга киирсибэккэ атааннаһыы, иирсии, бурайсыы. ☉ Раздоры, распри
Баҕар, эн убайыҥ икки мин икки ардыбытыгар ханнык эмэ адаарыһыы тахсыа. Күндэ
Үлэ-хамнас бэйэтин киэбинэн уруккутун курдук уста турбута. Арай тутуу начальнига икки дириэктэр икки адаарыһыылара суураллыбакка хаалбыта. В. Яковлев
Үнүрүүҥҥү адаарыһыы кэнниттэн ньиччи-хоччу кэпсэтэ илик эбээт. М. Попов

аһааҕырыы

аһааҕырыы (Якутский → Якутский)

аһааҕыр диэнтэн хай
аата. Сырата, хаана суох бэйэтэ Соргулаах бу күн кэлбэтэх. Ахсааҥҥа киирбэтэх сааһырыы, Араанаттан аһааҕырыы! Баал Хабырыыс
Оскуолаҕа уопсастыба куһаҕан содуллара — араасанан атааннаһыы, наркотиктарынан ииримтийии, аһааҕырыы, сатарыйыы күөрэйдэхтэринэ, улахан дьон ыччаты эрэ эбэтэр оскуолалар салалталарын эрэ буруйдууллар. АИА КХО

атааннаһыы

атааннаһыы (Якутский → Якутский)

атааннас диэнтэн хай
аата. Кулаактар бэйэлэрэ тугу да билбэт, кимиэхэ да өстөммөт дьон курдук тутта сылдьаннар кулгаахха сибигинэйэн, хоп тылы тарҕатан, аҕа уустаһан, атааннаһыыны күөртүү сылдьаллар. Амма Аччыгыйа
Нуучча, саха, эбээн — бары Олоорторо булкуһан. «Эн», «Мин» дэһии, омуктаһыы, Атааннаһыы диэн суоҕа. С. Данилов. Кылаассабай уопсастыба атааннаһыыта остуоруйаларга бэрт сытыы социальнай ис хоһоону биэрэр. Саха фольк.

атааннас

атааннас (Якутский → Якутский)

атааннаа диэнтэн холб. туһ. «Бу мин ирээтим, ити эн ирээтиҥ», — диэн атааннаспакка, ким тугу кыайарынан, сатыырынан аҥаар кырыытыттан үлэлииллэрэ. «ХС»
Араас оройуоннартан кэлбит оҕолорбут. Кыыс, уол диэн хаһан да атааннаспаппыт. «ББ»
Манна ыстаансыйаҕа Сааска урут, хаһан эмэ сөбүлэспэккэ, атааннаспыт киһитэ диэн ким да суоҕун курдук буолбута. Д. Таас

лүҥкүрт

лүҥкүрт (Якутский → Якутский)

лүҥкүр I диэнтэн дьаһ
туһ. [Киис Бэргэн:] Б а р а ммат ө стө һ ү ү, бараммат атааннаһыы най хара буруота мин тыыммын хаайар. Сирэйдэр мичээрдэрин кини күлүктүүр, халлааммыт ньуурун кини лүҥкүрдэр. И. Гоголев
Этиҥ былыта логлоруйан тахсан халлаан илин өттүн ыаһырда лүҥкүрдүбүт. П. Аввакумов